因為有太多屬於 Winter 嘅客人，投訴高飽和度的顏色(即鮮艷/高彩度)太難揀衫太難襯衫，覺得低飽和度是比較好看的，亦都比較容易襯搭。
但其實如果你係適合冬天的話，一樣可以好 fashionable ，因為本身冬天就係一個時尚嘅季節，所以花一點心思你會比別人更好看，更耀眼奪目！
今個 blog 就講下屬於 Bright Winter 嘅 (G)I-DLE 泰籍成員Minnie 適合啲咩衫同彩妝！
圖一: 大地色系的衣服同妝容，係大家經常覺得唔會出錯嘅配色，的而且確係嘅，但如果你不屬於秋季，穿上去就會顯得太成熟，或者比較疲倦，即使係雜誌拍攝，Minnie 都顯得比較沒有個人特色；因為屬於 Bright Winter 嘅你太需要色彩和對比度！所以當 Minnie 一頭黑髮(髮底highlight) 再加鮮艷嘅彩妝同連身裙，形象立即鮮明時尚！
圖二: Yellow based 嘅唇膏，再加上杏色少少泥色嘅上身，可以係話屬於冬天最不適合嘅配搭， Minnie整個人都感覺比較憔悴，整個人埋沒咗喺件衫度一樣。
相反右圖，即使只有黑白色，但 Minnie 用咗冬天嘅妝容(指甲也是佢適合嘅shocking pink)，整個彩妝為佢加咗顏色(銀色trims 也是加分位)，所以係只黑白嘅衣服配搭，也很適合佢！
圖三: 圖案嘅影響都不能忽視，左邊是比較春天嘅感覺，可愛清新集於一身，但這個氣質屬於冬天嘅Minnie 真係好唔夾，好似變咗另一個人！
而當佢用圖案係比較大嘅，顏色亦都係比較有對比度，即使係比較女性化嘅 Lace 花紋，佢亦都可以著出型格！當然用咗適合佢嘅彩妝亦都係關鍵！
圖四 & 圖五: 再一次證明佢係需要彩度，即使係化咗秋天嘅全妝，但都感覺好似無血色，差咁啲嘢咁！
一加咗佢適合嘅胭脂同唇膏，個人即刻充滿咗活力同精神，亦都好stylish !
圖六: 睇到依度，你可能又會投訴佢嗰啲係舞台裝扮，我日常出街點用呢！
Okay！睇下右圖，簡單就係可以用牛仔褲玩，襯一件有圖案或者比較鮮色嘅上衣如cardigan或者sweater ，或者其實鞋有啲accent color 都可以！
圖七: 另外再簡單嘅穿搭，通常冬天屬性嘅你都會適合白色或者黑色、或者黑白都適合，咁就可以穩陣地用黑、白穿搭，然後加上適合你嘅彩妝便可！
圖八: 灰色一定不是冬天最好的選擇，但佢加咗鮮紅色嘅背心，即刻可以令造型變得更適合冬天嘅你！
另外就係我成日都講嘅，只需要成個造型有 accent color 就可以！你唔使拎mic 嘅🤣，
打底衫 、手袋、頸巾、帽、鞋等其中一樣，有accent 就可以🫶🏻
除咗我嘅 blog，都需要靠你哋自己睇多啲，吸收多啲，就可以找出最適合你嘅穿搭！
記得 share 俾屬於 Winter 尤其係 Bright Winter 嘅朋友啦！
Comments