首先要戴一戴頭盔先，因為佢係fashion icon，加上女團亦都形象百變，所以任何造型佢都可以carry得到，但當中都會有一啲更適合佢嘅造型，一齊睇吓本身已經夠靚嘅佢同更靚嘅佢嘅分別啦😉
圖一: 雖然都係粉紅色，但左圖是屬於冬季嘅shocking pink ， Jennie有少少好似俾衣服吞沒，第一眼會望件衫先。而右圖著咗彩度較低嘅粉紅背心，加上毛毛 texture 令顏色比較 dusty ，配合埋秋天妝容，更適合屬於秋天嘅 Jennie ，名緩千金風輕易打造出來！
圖二: 紅唇嘅造型會比較適合Winter ，所以大紅唇喺屬於Autumn 嘅 Jennie 臉上太突出，一眼就會 focus 喺個嘴，反而浪費咗佢精緻嘅五官！
右邊用上比較暖色系嘅彩妝同服飾，感覺五官更突出，整體造型更和諧。
圖三: 可能大紅嘴真係比較難 handle ，不過就算用咗淡一點嘅桃紅色唇膏， which is 比較夏天，但整體感覺都無右邊大地色系咁適合 Jennie ，佢一用秋天顏色，高級感就會出嚟😍
圖四: 雖然左圖係貴氣十足，但同樣地大紅唇造型令 Jennie 顯得有點太成熟；反而簡單嘅毛毛外套，加上秋天妝容，更加能穿出低調奢華感！
圖五: 左右邊同樣係少女感十足嘅造型，但正紅色又再一次把 Jennie 吞沒，第一印象會 focus 落佢套衫，淹沒咗Jennie 嘅個性；反而低調一點嘅造型，更能襯托出 Jennie 嘅甜姐兒感覺！
圖六: 雖然一樣係淡妝嘅 Jennie ，但左邊係黑白配搭，屬於大對比度冬天嘅造型，尤其係黑色外套，有種衫著佢嘅感覺；而右邊都係黑白配，但黑色係bra top (面積少很多)，加上上身係白色裇衫，配上啱秋季嘅米色冷衫喺外邊，襯上深灰色直間下身，對比度弱很多，簡單得嚟又好睇！
圖七: 好多客人會問我，格仔佢哋着唔着得，我會答，要睇係咩格！左邊嘅格仔，因為整體睇嚟係黑色的，亦都係黑底白間，所以感覺會比較冬季；相反右邊嘅底色係卡其色，所以就會比較秋天感覺，加上線條對比冇咁強烈，令 Jennie 顯得軟萌而不失高級感！
圖八: Jennie 最近嘅Chanel Fashion show造型，雖然我本人係好鍾意，依個 「Jennie bandage on face 」造型亦都掀起咗大家熱烈討論，但 smoky eye 對 Jennie 來說比較鋭利，令人覺得好有距離感；右邊雜誌封面圖，雖然都係高冷造型，但無咗 smoky eye 妝容，cool 得嚟更適合 Jennie！
圖九: 左圖唇色係較淺桃紅色，但帶點螢光感，所以都會係冬季妝容，尤其比較適合 Bright Winter，所以喺 Jennie 面上都係有違和感。而右邊就算著咗唔係咁適合佢嘅全黑樽領，但化咗超好睇嘅秋天妝容，更加能突顯 Jennie 嘅高級感美貌！
圖十: 雖然左右圖都係 warm tone 妝容，但左邊嘅顏色飽和度高一點(較多peach色系)，喺 Jennie 面上對比度強一點；而右邊妝容飽和較低(較多nude色系)，加上啞面唇膏，你就會睇得出春天同秋天妝容嘅分別，左邊妝容會較適合屬於 Light Spring 嘅IU；右邊係比較適合 Jennie 嘅低調奢華感秋妝。